Londra e quan "terroriste" organizatën palestineze të Hamasit

Britania e Madhe do ta cilësojë  grupin palestinez të Hamasit, si një organizatë "terroriste", raportojnë mediet lokale.

 

Sipas "The Times", sekretarja e Brendshme britanike Pretty Patel do të bëjë njoftimin sot nga Uashingtoni, ku ndodhet, dhe do të paraqesë propozimin e saj në parlamentin britanik javën e ardhshme.

 

Ndërsa "The Guardian", shkruan se Hamasi do të shpallet i jashtëligjshëm sipas ligjit për terrorizmin.

 

Kjo do të thotë se kushdo që mbështet Autoritetin Palestinez, përdor flamurin e tij ose organizon takime për Hamasin do të shkelë ligjin dhe do të rrezikojë deri në 14 vjet burgim.

 

Duke folur për gazetarët nga Uashingtoni, ministri britanik tha: " Ne kemi arritur në përfundimin se nuk mund ta ndajmë më politikën nga krahu ushtarak" i Hamasit.

 

Me këtë ndryshim, Londra bashkohet me SHBA-në, Izraelin dhe BE-në, të cilat e konsiderojnë Hamasin një organizatë terroriste.