Qeveria, tri ditë zie për tragjedinë e autobusit në Bullgari

 

“Për ditë zie shpallen dita e sotme, dita e nesërme dhe e pasnesërmja, përkatësisht nga 23 nëntori deri më 25 nëntor (e martë, e mërkurë dhe e enjte), ndërsa gjatë ditëve të zisë flamuri i Republikës së Maqedonisë së Veriut si dhe përfaqësive diplomatike të vendit në botë do të ulen në gjysmë shtizë. Anulohen të gjitha aktivitetet publike, ndërsa mediat duhet t’i përshtatin përmbajtjet e tyre në përputhje me gjendjen e zisë treditore.”,- thuhet në njoftimin e Qeverisë.

 

Për këtë shkak janë anuluar të gjitha aktivitetet edhe në Kuvendin republikan. Kuvendi ka ngrirë të gjitha zhvillimet, ndërsa subjektet politike kanë anuluar takimet e planifikuara duke ulur flamujt në gjysmë shtizë. 

 

LSDM dhe Alternativa kishin thirrur mbledhje të kryesive qendrore për të diskutuar zgjerimin e mundshëm të shumicës parlamentare, por, siç kanë njoftuar këto parti, në përputhje edhe me vendimin e qeverisë për tre ditë zie, takimet janë anuluar.