MPJ, shtab të krizës për tragjedinë në Bullgari

 

“Njëherazi, ju informojmë se dy punonjësit tanë janë dërguar për ndihmë në Ambasadën e Maqedonisë së Veriut në Sofje me qëllim që të asistojnë rreth procedurave lidhur me ngjarjen tragjike.”,- njofton Ministria e Punëve të Jashtme e Maqedonisë së Veriut.

 

 

Në ambasadën e RMV-së në Bullgari gjatë gjithë ditës kanë arritur telegrame ngushëllimi teksa ofrohet ndihmë, thotë ambasadori Krstevski.

 

“Po shprehin ngushëllime dhe po ofrojnë ndihmën e tyre nëse është e nevojshme në këto momente të vështira për t’i ndihmuar  ambasadës rreth organizimit dhe aktiviteteve konsullore të nevojshme për t’i transportuar kufomat në Shkup.”,- u shpreh u. d. ambasador i RMV-së në Bullgari, Vlladimir Krstevski.

 

Ambasadori tha se do të angazhohen që sa më shpejt të identifikohen viktimat e tragjedisë.

 

“Detyra e parë është që sa më shpejt të identifikohen viktimat dhe të përgatiten dokumentet që të munden familjarët t’i marrin trupat e pajetë. Për këtë folëm edhe në takimin me kryeministrin Janev dhe kryetarin Radev se më me rëndësi është që mjekësia ligjore ta mbarojë punën, t’i identifikojë viktimat dhe dinjitetshëm të transportohen kufomat në RMV.”,- u shpreh u. d. ambasadori i RMV-së në Bullgari, Vlladimir Krstevski.

       

Në përputhje me vendimin e Qeverisë për shpalljen e tri ditë zie në nderim të viktimave të aksidentit tragjik, Ministria e Punëve të Jashtme e informon se të gjitha ambasadat dhe misionet jashtë vendit i ulën flamujt në gjysmë shtizë. Ndërkohë, që në orët e hershme të mëngjesit qytetarë të shumtë për të shprehur ngushëllimet e tyre kanë vendosur lule para Ambasadës së Maqedonisë së Veriut në Sofje.