Deçan, 3 të vdekur nga të shtënat ndaj një autobusi

Tre persona kanë vdekur në fshatin Gllogjan të Deçanit nga të shtënat me armë zjarri ndaj një autobusi me nxënës.

Në mesin e viktimave janë shoferi i autobusit dhe dy nxënës. Spitali i Pejës ka konfirmuar se nga të shtënat me armë zjarri në Gllogjan kanë mbetur të vdekur dy nxënës dhe shoferi i autobusit. 

Policia e Kosovës në Pejë ka thënë se autobusi ishte nisur nga Gjakova për ne Deçan. Drejt autobusit të mbushur me nxënës kanë shtënë me armë disa persona.

Edhe Kryetari i Deçanit, Bashkim Ramosaj duke konfirmuar incidentin ka njoftuar se shoferi i autobusit ka vdekur menjëherë, derisa dy prej nxënësve kanë ndërruar jetë në spital.

Ai ka thënë se bëhet fjalë për nxënës të moshës mes 15-16 vjeç. Poashtu njoftohet edhe për të lënduar.