Organizata “Zemër Trime”: Pacientët me zemër mekanike, të mos pagojnë për shërbime shëndetësore

 

“Në periudhën e fundit e kemi përditësuar sërish dhe kemi besim të fortë dhe premtime se me buxhetin e ri për vitin 2022, pacientët me mbështetje mekanike do të lirohen plotësisht nga bashkëpagesa për shërbimet shëndetësore, që është një lehtësim i madh për ne si pacientë.”, tha Vasko Joleski, kryetar i organizatës “Zemër Trime”.

 

Pesë transplantet e suksesshme të zemrës në vend, të kryera deri më tani, ngjallin shpresë tek pacientët që presin një shans për një jetë të re. Por ngritja e ndërgjegjësimit për dhurimin e organeve është thelbësore, për të cilën shoqata po zhvillon një fushatë të fortë.

 

“Mjekët kanë vendosur të nisin një punë të madhe siç janë transplantet, të cilat janë arritja më e lartë në mjekësi në fushën e sëmundjeve kardiovaskulare. Është për tu lëvduar sepse kanë treguar dhe dëshmuar se janë mjaft të suksesshëm.”, tha Joleski.

 

Njëzet e pesë persona në vend janë ende në pritje të transplantit të zemrës.Majin e kaluar, në kulmin e pandemisë, u krye transplanti i parë i suksesshëm në vend, më pas i ndjekur edhe nga katër të tjerë.