NBA, Atlanta, "shuplakë" të fortë Cleveland-it

Tronditet Cleveland Cavaliers. Në Quickens Loans Arena të Ohio-s Lebron James me shokë pësuan një humbje turpëruese pasi u mposhtën me rezultatin e thellë 127-98 nga Atlanta Hawks që vazhdon të surprizojë në këtë sezon të Nba.

 

Paraqitja fantastike e Shalvin Mack që përballë Cleveland-it regjistroi ndeshjen e tij më të mirë në karrierë duke realizuar 24 pikë, ndihmoi skuadrën e trajnerit Mike BudenHolzer të arrinte fitoren e 18 sezonale.  

 

Në sfidat e tjera të Nba spikat suksesi Memphis përballë San Antonios. Grizzlies arritën t'i mposhtën kampionët pas kohës shtesë me rezultatin e ngushtë 117-116 brenda në Texas.

 

Marc Gasol me 26 pikë dhe 9 rebound ishte padyshim më i miri për skuadrën E Grizlisave në këtë ndeshje. 

 

Një fitore me peshë arriti edhe Toronto Raptors duke kaluar pa shumë probleme me shifrat 105-89 Brooklyn Nets. 

 

Moment negativ për Miami Heat që regjistroi humbjen e 14-sezonale pasi u mposht në Florida nga Utah Jazz me rezultatin 105-87.