Stokholm, takimi i këshillit ministror të OSBE-së

Nevojitet unitet brenda OSBE-së për tu ballafaquar me sfidat që e tangojnë  rajonin e  OSBE-së, tha ministri i jashtëm, Bujar Osmani, në kuadër të  takimit të  këshillit ministror të OSBE-së.

Shefi i diplomacisë Osmani si kryesues i OSBE-së në vitin 2023 theksoi rëndësinë e perspektivës evropiane për rajonin, si një faktor i rëndësishëm për sigurinë dhe stabilitetin.

Maqedonia e Veriut është një vend anëtarë me vlerë të shtuar, e cila  promovon demokraci dhe dëshmon në aftësitë e saja për të menaxhuar problemet e brendshme dhe ato me fqinjët, ka thënë Osmani.

“Maqedonia e Veriut  është vlerë e shtuar si  vend participues  pjesëmarrës në OSBE  por para së gjithash si vend që do të kryeson  në vitin 2023.  Në këtë mënyrë duke promovuar  një demokraci të veçantë funksionale  e cila ka pasur kapacitet  për ti tejkaluar edhe vështirësitë  e brendshme por edhe  vështirësitë me fqinjët dhe në këtë mënyrë është shenduar në promotor i stabilitetit dhe sigurisë në rajon.”,- tha ministri i jashtëm, Bujar Osmani.

Në këtë sesion u diskutua  dhe situata  në Ukrainë. Vendet anëtare të OSBE-së i bëjnë thirrje Rusisë të ul tensionet  dhe të tërheq ushtarët në kufi me Ukrainën, ndryshe  sipas tyre, do të ballafaqohet me kriza serioze.

“Misioni special vëzhgues në Ukrainë mbetet faktor kyç i stabilitetit. Ky mision  dha qasje të pakushtëzuar dhe pakufizuar  në Ukrainë për ndjekjen e situatës.”,- theksoi ministrja e jashtme e Suedisë, Ana Linde.

Në margjina të këshillit ministror të OSBE-së janë takuar edhe  shefat e diplomacisë të SHBA-së dhe Rusisë të cilët kanë shkëmbyer mendime për krizën në Ukrainë. Kanë theksuar nevojën e diplomacisë për të tejkaluar tensionet mes dy vendeve. (Nermin Mulaki Fejzullahu, TVM2)