Ivanovski: standarde evropiane në administratë

Me reformat e filluara në Administratën e Maqedonisë, janë instaluar metoda evropiane për përmirësimin e punës së reparteve të resurseve njerëzore në Administratën e Maqedonisë, si përparimi i mësimit elektronik dhe kualiteti i punës dhe udhëheqjes në administratë nëpërmjet programit CAF.

 

Kështu u shpreh ministri i Informatikës, Ivo Ivanovski, pas prezantimit të projektit “Përkrahja e reformave në Administratën Publike”, e përkrahur edhe nga Ambasada Britanike në Maqedoni.

 

“Ajo që është më e rëndësishme, ne qëndrojmë dhe do të qëndrojmë që punëtorët ta përforcojnë diturinë e tyre, që më mirë dhe më me kualitet t’i njohin dhe praktikojnë proceset e administratës, me qëllim që qytetarëve t’u ofrojnë shërbime të shpejta dhe kualitative”- deklaroi ministri i Informatikës, Ivo Ivanovski.

 

Ambasadori britanik në Maqedoni, Carls Garet, tha se reformat në Administratën e Maqedonisë janë çështje kyçe në rrugën eurointegruese të vendit.

 

“Kërkojmë administratë të trajnuar, efikase dhe transparente, ndërsa në rastin e Maqedonisë, reformat në administratë janë sferë kyçe në rrugën eurointegruese të Maqedonisë”- tha ambasadori i Britanisë, Carls Garet.

 

Bashkëpunimi  me Ambasadën britanike në Maqedoni ka filluar në vitin 2011, kur edhe u nënshkrua memorandum për bashkëpunim për projektin “Përkrahja në reformat e Administratës Publike”.