Vendimi për ngrirjen e çmimeve, Aliu: I domosdoshëm, madje pak i vonuar

 

“Në kushtetutën e Maqedonisë, neni 1 shkruan se Maqedonia është shtet social. Këtë nen e ka harruar Qeveria. Nuk ka analizë të thuktë se si do të ndikojë te biznesi, por unë jam më se i bindur se biznesi është më tepër i aftë dhe më tepër di punën e vet dhe sipas mendimit tim në kriza të tilla siç jemi tash dhe që akoma më tepër do të rëndohet dhe biznesi do të jetë i kuptueshëm dhe do të ndihmojë që në çështjen e diferencës në çmim, ndërmjet çmimit kushtues dhe çmimit shitës duhet të ketë një masë të caktuar vetëm e vetëm që edhe ashtu jetën e ithët mos t’ia rëndojmë  akoma më tepër kësaj popullate.”,- deklaroi profesori universitar, Hamit Aliu.

 

Por, nga Lidhja e Odave Ekonomike të Maqedonisë së Veriut janë shprehur tashmë se masa për ngrirjen e çmimeve ka mundësi të thellojë krizën, duke pasur parasysh rritjen e çmimit të energjisë. Ngrirja e çmimeve mund të jetë fatale për kompanitë private, bazuar në faktin se çmimi i eksportit të repromaterialeve është në rritje. Kjo, sipas LOE-së, mund të ndikojë edhe në falimentimin e kompanive apo uljen e numrit të të punësuarve.