Qeveria Bullgare: Nuk ka datë për RMV-në në dhjetor

 

Qeveria e miratoi qëndrimin e Bullgarisë për pjesëmarrje në mbledhjen e Këshillit për Çështje të Përgjithshme më 14 dhjetor. Bullgaria do t’i përmbahet Deklaratës së Asamblesë Kombëtare të datës 10 tetor 2019 në lidhje me zgjerimin e BE-së dhe Procesin e stabilizimit dhe asociimit të Republikës së Maqedonisë së Veriut dhe Republikës së Shqipërisë, si dhe qëndrimit kornizë për perspektivën evropiane të Republikës së Maqedonisë së Veriut dhe Shqipërisë të miratuara nga Këshilli i Ministrave më 9 tetor 2019 dhe të mbështetur nga deklarata e Asamblesë Kombëtare të 10 tetorit 2019, thuhet në informacionin e shërbimi për shtyp të qeverisë bullgare. Sofja zyrtare beson se Tirana është gati të nisë bisedimet për anëtarësim në BE.

 

“Megjithatë, të dy vendet aktualisht po lëvizin në një pako drejt BE-së. Për Bullgarinë, parimi bazë i meritave të secilit kandidat mbetet vendimtar. Bullgaria beson se Shqipëria është e gatshme të ecë përpara në rrugën drejt BE-së dhe është e gatshme të mbështesë miratimin e Kornizës negociuese për vendin dhe mbajtjen e Konferencës së parë Ndërqeveritare, qëndron në kumtesën e shërbimit për shtyp të qeverisë bullgare”, njofton shërbimi për shtyp i qeverisë kalimtare bullgare.