Mot i keq në Shqipëri

 

Në Durrës tragetet e linjës së Barit u nisën me disa orë vonesë, ndërsa aty deri në orët e mesditës nuk është ankoruar asnjë target i ardhur nga Italia.

 

Ndërkohë në Vlorë për shkak të erës dhe dallgëve janë pezulluar daljet në det për anijet  e vogla, dhe mjetet e peshkimit.

 

Gjithashtu vonesa kishte edhe trageti i linjës Brindisi-Vlorë, i cili nuk arriti të ankorohej për disa orë.

 

Reshjet kanë shtuar edhe prurjet në kaskadën e Drinit, duke bërë që banorët të shohin me frikë nivelin e lumit që mund të sjellë përmbytje.