Shekerinska, RMV nis me dërgimin e oficerëve në NATO

Pas proceseve të suksesshme të cilat RMV i ka realizuar siç ishte integrimi i plotë në strukturat ushtarake të NATO-së, por edhe fillimi i kontrollimit të hapësirës sonë ajrore nga ana e Aleancës, edhe zyrtarishtë RMV duhet të dërgon ekipet e saja të oficerëve në selinë e NATO-së, të cilët do të jenë të akomoduar në shtabin komandues të NATO-së.

 

Për Ministren Shekerinska kjo është edhe një e arritur e madhe, sepse strukturat tona udhëheqëse do të komandojnë apo do të jenë pjesë e ushtrive më të mëdha botërore. 

 

“Këtu tanimë i kemi katër oficerët e parë, apo përfaqësues të Armatës sonë të cilët do të jenë pjesë e strukturave komanduese të NATO-së, edhe atë në pozicione të cilat i janë dhënë vendit tonë si anëtare e barabartë e kësaj familje ushtarake. Një officer tanimë e kemi dërguar në Izmir të Turqisë, ndërsa tre oficerët që i kemi këtu do të jenë edhe personeli i parë ushtarak që do të jetë pjesë e NATO-së”, u shpreh ministrja e mbrojtjes, Radmilla Shekerinska.

 

 

Sipas përfaqësuesve ushtarak tek oficerët vendor janë mbi 100 vite shkollim të përfunduar në SHBA, Itali, Estoni, Kanadë, e të cilët do të jenë reprezentuesit më të mirë që ka Maqedonia e Veriut. 

 

“Do të jemi pjesë e komandës kryesore të NATO-së, dhe puna jonë më armatat më të fuqishme botërore do të paraqet knaqësi e vecantë, ku do të kemi mundësi në vepër të shohim organizimin, zbatimin dhe efikasitetin ushtarak, dhe atë përvoj ta sjellim në vendin tonë”, theksoi nënoficeri Goran Stojanovski.

 

Sipas MB selektimi ka qenë shumë i rëndë sepse të njëjtit kanë kaluar nëpër disa filtra, ndërsa tani janë konkurse tjera edhe për 7 vende tjera të cilat na ka besuar NATO, dhe duhet ti dërgojmë personelin tonë. Deri në vitin 2023 RMV duhet ti plotëson të gjitha 20 vendet të cilat i janë dhënë nga Aleanca e NATO-së. 

 

Personat e emëruar do të angazhohen në strukturat e NATO-së për katër vitet e ardhëshme, dhe të gjithë janë pajisur me sertifikat nga NATO.