Kongresi i VMRO-DPMNE-së, Mickovski: Duhet shkuar në zgjedhje të parakohshme

VMRO-DPMNE  në prani të 500 delegatëve mban Kongresin e rregullt partiak, në të cilin do të zgjidhet lideri i ri  i partisë.

Deri më tani për kryetar të partisë është parashtruar vetëm një kandidaturë, dhe ajo e liderit aktual të partisë, Hristijan Mickoski, ndërsa afati për parashtrim të kandidaturës është deri në vetë Kongresin. 

Mickoski  në paraqitjen e tij  tha se duhet insistuar në zgjedhje të parakohshme parlamentare.

“Sot pas katër viteve VMRO -DPMNE  sërish në rrugët  e fitores. VMRO -DPMNE   është partia më e madhe politike në Maqedoni, me grupin më të madh parlamentar dhe me numrin më të madh të kryetarëve të komunave, me numrin më të madh të këshilltarëve komunalë. Por, për fat të keq, për shkak të jokulturës politike që mbizotëron në Maqedoni për 4 vjet që kur LSDM është në pushtet, ende  për një kohë të shkurtër do të jemi në opozitë dhe për këtë insistojmë në zgjedhje të parakohshme parlamentare të shpejta, pasi që populli duhet të përfaqësohet në përputhje me atë që votoi” – tha Kryetari i VMRO-DPMNE-së, Hristijan Mickovski.

Nikollovski: Mickovski mundet ta vë shtetin në binarë

Kryesuesi i kryesisë së punës,  Aleksandar Nikollovski  theksoi se Mickovski mund ta shpie RMV-në në rrugën e duhur,  ashtu siç e transformoi VMRO- DPMNE-në.

“Mendoj se shumë më shpejt ngaqë mendohet do të ndodhin zgjedhjet e parakohshme parlamentare,  pas së cilave qeveria e udhëhequr nga VMRO -DPMNE  dhe Hristijan Mickovski  do ta stabilizojnë Maqedoninë,  siç e stabilizoi VMRO-DPMNE-në ,  do ta nxjer Maqedoninë në rrugën e duhur, me shumë më pak korrupsion dhe shumë më shumë ekonomi” – u shpreh Kryesuesi i punës së Kongresit, Aleksandar Nikollovski.

Nga VMRO-DPMNE siguruan se Kongresi ka respektuar protokollet e rrepta për Kovid-19, ndërkaq në hyrje  është kërkuar certifikata e vaksinimit apo testi negativ i të gjithë të pranishmëve. Pas Kongresit paralajmërojnë doktrinë të re dhe freskime serioze kadrovike. (Nermin Mulaki – Fejzullahu, TVM2)