Aparat i ri për tomografi kompjuterike

 

Me këtë rast do të dërgohen në specializim edhe tre mjekë në Slloveni dhe do të trajnohen edhe rëntgenologë, në mënyrë që të përmirësohet cilësia e shërbimit.

 

“Furnizimi me këta katër tomografi do jetë me rendësi për sistemin shëndetësor, sidomos në Shkup, sepse bëhet një hap para për aplikimin e një niveli të lartë teknologjik dhe diagnostifikim serioz i nivelit sekondar, i cili do ta shkarkojë ngarkesën me pacient nga Qendra Klinike, por edhe nga Spitali i Qytetit dhe Spitali “Shën Naumi i Ohrit””- deklaroi ministri i Shëndetësisë, Nikolla Todorov.

 

Ndërkohë, drejtoresha e Poliklinikës “Jane Sandanski”, Baevska Vuçkoviç, tha se nga fillimi i funksionimit të sistemit “Termini im”, nga 1 shtatori i vitit 2013 deri më 15 dhjetor në Poliklinikën “Jane  Sandanski” janë dhënë 120.970 mijë shërbime sekondare. Sipas saj, furnizimi me tomografi do të mundësojë që shërbimet e qytetarëve t’u ofrohen sipas vendbanimit dhe të mos pritet shumë për këtë shërbim.