Këshilli miratoi konkluzionet mbi zgjerimin, s’ka datë për RMV- në dhe Shqipërinë këtë vit

Nuk ka datë për Maqedoninë e Veriut dhe Shqipërinë  për nisjen e negocitave, por vetëm  miratim të konkluzave për zgjerimin e unionit.

Sekretari shtetëror slloven: Tani duhet punuar në kornizën negociuese

Pas mbledhjes së këshillit, përfaqësuesit e BE-së e quajtën sukses këtë arritje, ndërkaq theksuan se për fillimin e negociatave  me Shkupin dhe Tiranën nevojitet miratimi i kornizës negociuese, për të cilën shpresojnë të gjendet kompromis,  duke u mbështetur në qeverinë e re bullgare për të zhbllokuar procesin eurointegrues.

“Definitivisht do ta quaja ditën e sotme si sukses sepse  me të vërtetë  u demostrua  kompromisi  shpirtëror dhe bashkëpunimi lojal mes shteteve anëtare dhe kjo është ajo që mund të arrihej sot. Disa hapa  që fillimisht i menduam nuk janë  të realizueshme sivjet dhe shumë prejt tyre nuk gjenden në konkluza. E dimë se për fillimin e bisedimeve na duhet implementimi i kornizës  dhe është proces që duhet  nisur sa më shpejt dhe  pasi kemi  qeveri të re në Bullgari,  jemi optimist  se do të jetë e mundshme të vazhdohet sa më shpejt në rrugën   ku është ngecur” – tha Sekretari shtetëror slloven, Gashper Dovzhan.

“Ishte kryevepër  e mundësisë evropiane të bëjë kompromis nën frymën e bashkëpunimit lojal” – u shpreh Nënkryetarja e Komisionit, Vera Jurova.

Gjatë samitit,  shumica e  vendeve anëtarëve të BE-së përkrahën fuqishëm Shqipërinë dhe RMV-në në nisjen e negociatave, ndërkaq presin nga kryeministri i ri bullgar Kiril  Petkov,  të jetë më racional në negociatat dypalëshe. (Nermin Mulaki – Fejzullahu, TVM2)