Këshilli miratoi konkluzionet mbi zgjerimin, s’ka datë për RMV- në dhe Shqipërinë këtë vit

Nuk ka datë për Maqedoninë e Veriut dhe Shqipërisë  për nisjen e negocitave, por vetëm miratim të konkluzave për zgjerimin e unionit.

 

Pas mbledhjes së këshillit, përfaqësuesit e BE-së e quajtën sukses këtë arritje, ndërkaq theksuan se për fillimin e negociatave me Shkupin dhe Tiranën nevojitet miratimi i kornizës negociuese, për të cilën shpresojnë të gjendet kompromis, duke u mbështetur në qeverinë e re bullgare për të zhbllokuar procesin eurointegrues.

 

“Definitivisht do ta quaja ditën e sotme si sukses sepse me të vërtetë u demostrua kompromisi shpirtëror dhe bashkëpunimi lojal mes shteteve anëtare dhe kjo është ajo që mund të arrihej sot. Disa hapa  që fillimisht i menduam nuk janë të realizueshme sivjet dhe shumë prejt tyre nuk gjenden në konkluza. E dimë se për fillimin e bisedimeve na duhet implementimi i kornizës dhe është proces që duhet  nisur sa më shpejt dhe pasi kemi qeveri të re në Bullgari, jemi optimist se do të jetë e mundshme të vazhdohet sa më shpejt në rrugën ku është ngecur”, u shpreh sekretari shtetëror slloven Gashper Dovzhan. 

 

 

 

Gjatë samitit, shumica e  vendeve anëtarëve të BE-së përkrahën fuqishëm Shqipërinë dhe RMV-në në nisjen e negociatave, ndërkaq presin nga kryeministri i ri bullgar Kiril  Petkov, të jetë më racional në negociatat dypalëshe.