Omicron në Europë, vaksinat nuk mjaftojnë për ta ndaluar
Vetëm vaksinimi nuk do të mund të ndalë dot hovin e Omicron...
Paralajmërimi vjen nga Qendra Europiane për Parandalimin dhe Kontrollin e Sëmundjeve, e cila tha se ka nevojë urgjente për veprim.
Duke e cilësuar si shumë të lartë rrezikun nga efektet e Omicron në shëndetin publik, agjencia bën thirrje për fuqizimin dhe rikthimin e masave të tilla si mbajtja e maskave, distancimi social dhe parandalimi i grumbullimeve në hapësira publike.
Italia zgjati deri në 31 mars gjendjen e jashtëzakonshme . Britania e Madhe ka nisur fushatwn më të madhe të vaksinimit kundër Omicron, përmes dozës së tretë duke pasur si objektiv bërjen e 1.1 milionë vaksinave, çdo ditë deri në fund të këtij muaji.
Numri i vdekjeve nga Covid-19 në SHBA ka kaluar 800 000. Shifra tragjike përfaqëson numrin më të lartë të raportuar nga çdo vend në botë.
OBSH paralajmëroi edhe njëherë se varianti i ri i virusit korona , po përhapet në të gjithë globin me një ritëm të paprecedentë. Rastet e variantit me mutacione të shumta janë konfirmuar deri tani në 77 vende.