Spitali i gjinekologjisë, rikonstruohet totalisht reparti i urgjencës

 

“Është rikonstruim total I repartit të urgjencës, donacion I cili për ne ishte shumë domethënës. Pas këtij donacioni nuk ngel asnjë dhomë e spitalit e pacientëve e cila nuk është e restauruar.”, tha Bashkim Ismaili, drejtor i spitalit të gjinekologjisë.

 

Pronari I kompanisë Muharem Murtezani beson që reparti tanimë ka arritur standardet e nevojshme për dhënien e shërbimeve cilësore.

 

“Ky spital ka nevojë për kësi lloj ndihmash, lindja është gjithmonë në rritje, ashtu që tani besoj që I kanë kushtet për punë edhe më të mira dhe do të mundësojmë kushte më të mira edhe për nevojën e pacientëve të ardhshëm.”, tha Muharem Murtezani, pronar i ‘Alma – M’.

 

Ndihmesa e sektorit privat nga e njëjta kompani është dhënë disa vite më parë në rikonstruimin e repartit të operacioneve. Në nivel vjetor këtu trajtohen 1 400 pacientë.