Qyteti i Shkupit, përplasje VMRO – LSDM për projektet e ndërprera

 

“Edhe projekti pa projeksion ‘Bas Rapid Transit’, I cili parashikonte prishjen e parqeve, rrezik për furnizimin me ujë të Shkupit dhe kaos në trafik, vetëm ky fundit, përpos 70 milion eurove kredi, nuk parashikonte mjete shtesë për ndërtimin e urës së nevojshme midis Karposhit dhe Vllaes, për dislokimin e gypave të ujësjellësit, për zgjidhje shtesë në trafik, të nevojshme për realizim. Këto janë para të hedhura në ajër pa kurfarë dobie për qytetarët.”, tha Stefan Andonovski nga VMRO - DPMNE.

 

LSDM me reagim se kryetarja e qytetit të Shkupit Danella Arsovska dy muajt e parë të mandatit i kaloi duke mos punuar asgjë dhe dëmtuar kështu qytetarët e kryeqytetit. Sipas socialdemokratëve Arsovska ka ndërprerë realizimin e tre projekteve kapitale.

 

“Në mënyrë skandaloze shfuqizoi projektin Bas Rapid Tranzit për një transport efikas dhe ekologjik të qytetit. Për projekt punohej tre vite të plota bashkë me partnerët e bankës europiane për zhvillim. Akoma më skandaloze është paralajmërimi I saj se s;do ndërtojë dy urat e reja, urën në bulevardin Asnom dhe urën në rrugën Lublanska.”, tha Gordan Shutarov, këshilltarë i LSDM -së në qytetin e Shkupit.

 

Por kryetarja e qytetit të Shkupit Danella Arsovska, ditë më parë është sqaruar se urat janë të panevojshme për qytetarët dhe se ekzistojnë konteste pronësore për ndërtimin e të njëjtave.