Projekti “Dhuro ngrohtësi”, pako ndihmash në dru dhe ushqim për 992 familje

992  familje skamnore do të furnizohen me nga tre kubik dru dhe me nga dy pako ushqimore  me vlerë prej 32 euro, falë inicijativës nga  OH” Kalliri I Mirësisë në bashkëpunim me Organiztën ndërkombëtare “Islamic Relief,  gjitha kjo në kuadër të projektit  “Dhuro ngrohtësi”.

Kalliri i Mirësisë apelon popullatën për tu sensibilizuar në ndihmën për  veshmbathje  dhe për fëmijët jetimë dhe të varfërit.

“Sot jemi duke filluar me shpërndarjen e druve dhe pakove ushqimore të familjeve jetimë ku do të ju shpërndahen 125 familjeve jetimë fillimisht, e më pastaj në rajonin e Shkupit do të vazhdojmë me gjithsejt 600 familje. Ky projekt do të vazhdojë në qytete tjera të vendit sikurse Kërçova, Kumanova, Tetova  dhe Maqedonia Lindore, ku e kemi paraparë edhe qytetin e Koçanit. Gjithashtu kemi paraparë edhe një numër të caktuar të veshmbathjeve për fëmijë dhe ne akoma pranojmë donacione dhe apeloj opinionin e gjërë kush sa ka mundësi të kontribuojë në këtë projekt që të shpërndajmë sa më shumë veshëmbathje  për fëmijët jetima dhe skamnorë” – tha Muamer Shkrijel, menaxher te OH “Kalliri i Mirësisë”.

Projekti në fjalë sipas organizatorëve nga Kalliri i Mirësisë ka filluar me zbatimin që nga viti 2013. (Vlora Latifi – Topojani, TVM2)