Kaosi në komunikacion, Kasami: Zgjidhja, deri në fund të vitit

Kryetari i Tetovës, Bilall Kasami, tha se për momentin janë duke përpiluar një plan për zgjedhjen e kaosit në komunikacioni. Sipas Kasamit, deri fund të vitit komuna do dalë me zgjidhje.

 

“Ne jemi në përfundim për të bërë një plan gjeneral, për zgjedhjen e komunikacionit dhe parkingut, këtu është edhe përgjegjësi i sektorit që e kam ngarkuar bashkë me drejtorin e parkingjeve, të gjejmë një zgjidhje të përgjithshme, edhe për çështjen e komunikacionit edhe të parkingjeve, besoj se deri në fund të vitit do të dalim me një qëndrim të zgjedhjes së plotë të parkingut dhe çështjes së komunikacionit.”,- tha kryetari i komunës së Tetovës, Bilall Kasami.

 

I pyetur se a do të gjendet zgjidhje për parkingje sidomos në këtë periudhë të vitit janë të pranishëm edhe mërgimtarët Kasami tha se zgjedhja e kaosit në komunikacion dhe e parkingjeve duhet të jete afat gjate.

 

 

Këto komente Kasami i bëri gjatë inspektimit të punimeve në Rrugën “Vëllezërit Miladinov”, ku punohet për sanimin e gropave dhe një herë bëri apel deri tek qytetarët që të paraqesin problemet infrastrukturore në faqen e komunës.