Ajri i ndotur në Shkup, qytetarët ankohen për shëndetin e tyre

 

Qytetarët e anketuar thonë se ndotja e ajrit u ndikon rëndë në organizëm veçanërisht në organet e frymëmarrjes. 

 

“Po a më shihni me maskë, ajri është i ndotur.”,- tha qytetar.

 

“Tek secili po ndikon keq ajri i ndotur, mua më ndikon në frymëmarrje.”,- theksoi një qytetar. 

 

“Mua nuk më pengon.”,- u shpreh një qytetar. 

 

“Me siguri më ndikon, unë për vete po e hetoj që më ndikon, në frymëmarrje.”,- potencoi një qytetar. 

 

“Ajri i ndotur më pengon shumë në problemet shëndetësore.”,- u shpreh një qytetar.

 

“Ajri është vazhdimisht kështu edhe ditën edhe natën dhe zotërinjtë këtu që janë nuk merren me ato punë.”,- theksoi një qytetar.

 

Pas informimit nga Ministria e Ambientit se këtyre ditëve niveli i ndotjes së ajrit në kryeqendër është i lartë duke tejkaluar minimumin e lejuar për dy ditë me radhë, nga e hëna Qyteti i Shkupit ka vendosur disa masa kundër ndotjes së ajarit, siç janë transporti publik falas, inspektimi i përforcuar kundër ndotjes së ajrit, kufizimi i aktiviteteve ndërtimore të objekteve, kontrolli intensiv i kantiereve dhe automjetet që dalin nga kantieret e ndërtimit, larja e shpeshtë e rrugëve dhe bulevardeve të qytetit, anulimi i tubimeve publike, ngjarjeve sportive dhe ngjarjeve kulturore në natyrë dhe apel për pastrimin e oxhaqeve.