Këshilli i Qytetit të Shkupit debaton për buxhetin 2022

 

“Siç kishit mundësi të shihni vendimi për shpërndarjen e mjeteve buxhetore të Qytetit të Shkupit do të kenë mundësi ta shohin, vetëm dua të potencoj se ndryshime janë bërë në pikën që është për harxhimet e paplanifikuara, në të cilën përfshihen familjet e viktimave në aksidentin në Bullgari dhe personat e lënduar apo në rreth 3,5 milion denarë apo nga 100 mijë denarë për çdo person.”,- tha kryetarja e Qytetit të Shkupit, Danela Arsovska.

 

Sipas saj, nga 1 janari do të realizohen projektet për të cilat ka marrëveshje të nënshkruara nga menaxhmenti i mëparshëm. Sipas saj, vitin e ardhshëm është paralajmëruar projekt për transport falas, por ai do të jetë i vlefshëm në ditë të caktuara dhe për kategori të caktuar të qytetarëve.

 

Rreth 390 mijë euro do të ndahen nga buxheti i qytetit për subvencione për blerjen e inverterëve dhe rreth 240 mijë euro do të përdoren për të subvencionuar blerjen e transportit ekologjik, siç janë skuterë elektrikë dhe biçikleta. 

 

Ndërkohë, këshilltarja e VMRO-DPMNE-së, Marija Andonova, kërkoi të anulohet vendimi për kthimin e emrave të vjetër të rrugëve. Kjo do të thotë që këshilltarët përsëri do të diskutojnë nëse do të ndryshohen emrat e rrugëve si “Leninova”, “Vodnjanska”, “Meksiçka” dhe disa rrugë të tjera që i miratoi administrata e kaluar e Qytetit.