Talat Xhaferi: Viti 2021 ishte i vështirë dhe më i dhimbshmi

 

“Me padurim dhe me një dozë të optimizmit shum të madh e inkurajoj veten se viti 2022 nuk do të jetë  si i vjetri  në asnjë segment. Për fat të keq nuk mund të them se ishte i lehtë as i sukseshëm për kundrazi ishte vit i rëndë, përplot sfida. Vit në të cilin paralelisht me pasojat, shëndetësore ekonomike dhe pasojat mbi shëndetin mental në nivel global që i shkaktoi pandemia me Kovid-19,vendi ynë u godit nga tragjeditë shum të mëdha në të cilat humbëm bashkqytetarët tanë të dashur dhe kjo la dhimbe dhe shije të hidhur te të gjithë ne.”, tha Talat Xhaferi, kryetari i Kuvendit.

 

Viti që po lëm pas sipas Xhaferit u karakterizua me jetë të pasigurtë politike. Përkundër kushteve kufizuese për shkak të pandemisë u fokusuam në transparencë, dhe përforcimin e rolit mbikëqyrës të Kuvendit tha Xhaferi. 

 

“Këtë vit kishim zgjedhje të rregullta lokale, pas së cilave kishim periudhë të jetës së pasigurtë politike në vend, që shkaktoi funksionim të pjesshëm të institucioneve vendore. Edhe dhoma legjislative funksiononte në suaza të protokolleve të imponuara shëndetësore për shkak të cilave mbetëm të mbyllur për vizitat tuaja. U fokusuam në transparencë, qasshmëri dhe përforcimin e rolit mbikëqyrës të Kuvendit për të qenë më afër jush, që dialogu politik të zhvillohet këtu në dhomën ligjvënëse.”, tha Xhaferi.

 

E rëndësishme, është, dialogu politik, përballja e argumenteve dhe lufta për ndryshimin dhe përmirësimin e dispozitave ligjore për lehtësimin e jetës së qytetarëve, të zhvillohet në Kuvend në  kuadër të demokracisë ka nëvizuar Xhaferi.