Pas shtrejtimit të energjisë, ASH me propozim të hiqet TVSH dhe pagesa për ndryçimin publik

Edhe Aleanca për Shqiptarët me kritika ndaj qeverisë pash shtrenjtimit të enrgjisë elektrike. Nga kjo parti me propozojnë që pas shtrenjtimit të energjisë qeveria të heq dorë nga TVSH prej 5 përqind dhe të marr përsipër pagesën e ndryçimit publik.

“Edhe pse vitin 2022 të gjithë e filluam me dëshirën për të qenë një vit i mbarë, për fat të keq filloi mbrapshtë. Nga 1 janari, xhepit të ngarkuar të qytetarit, me gjithë shpenzimet dhe rritjet të cilat në mënyrë të vazhdueshme i ka pasur për të gjitha produktet gjatë vitit që e lamë pas, tani si ngarkesë u shtua edhe rritja e re e çmimit të ngrohjes qendrore në Shkup ndërkaq në nivel republikan edhe rritja e re e çmimit të energjisë elektrike prej 9.48% si dhe largimi i tarifës së lirë gjatë orarit të ditës e cila nuk do të largohej, rritja do të duhej të jetë 14.23%. Kjo nënkupton se koston prej 100 mijë eurove në ditë të tarifës së lirë tash e tutje bashkë me rritjen e re të energjisë elektrike do të duhet ta paguajë qytetari”, tha Ilire Dauti, deputete e ASh-së.

Nga këtu nga ASH dalin me dy propozime deri te Qeveria kjo me qëllim që qytetarët të marrin faturë të njëjtë të rrymës edhe përskaj shtrenjtimit të çmimit:

“Të shqyrtojë mundësinë që për sa kohë zgjat kriza e energjisë të largojë 5% e TVSh-së që në faturën me karakteristikat që kap vlerën prej 3440 denarë”

“Taksën e ndriçimit publik në vlerë prej 168 denarë të marrë për obligim pushteti qendror që t’i ndihmojë pushtetit lokal”.