Besimi: 130 milion euro për tejkalim të krizës energjetike

 

“Nuk do të ketë tatime për krizën energjetike, 100 milion në vitin 2021 janë dhënë për EMV-në. Në vitin 2022 që prej në janar 10 milion euro do të transferohen për EMV-në si kapitalizim. 30 milion euro do të mundet EMV-ja apo ndonjë kompani tjetër energjetike t’i shfrytëzojë për program për zhvillim të gjelbër. 90 milion euro shtesë ka siguruar shteti për masa anti-krizë kundër Covid-19, përfshi këtu edhe krizën energjetike. Ato janë gjithsej 130 milion euro, të cilat i ka për momentin në buxhetin e vitit 2022.”,- tha ministri i financave, Fatmir Besimi.

 

 

Por, nga VMRO-DPMNE thonë se me LSDM-në dhe BDI-në në qeveri nuk ka ardhmëri për sektorin energjetik në vend. Nga partia më e madhe opozitare shprehen se pushteti po gënjen popullatën se energjia elektrike do të shtrenjtohet për 10%, por se çmimi do të rritet për 15%.

                

“Rritja e çmimit të energjisë elektrike dhe heqja e tarifës së lire gjatë ditës, do të shkaktojnë varfërim të buxhetit familjar për më shumë se 15%. Gjithë kjo në kombinim me veç më çmimet e shtrenjtuara të ushqimit nëpër markete është dëshmi e mjaftueshme se LSDM e shkrumboi Maqedoninë. Dhe e gjithë kjo po ndodh sepse LSDM ka menduar vetëm për tenderët në REK Manastir, në vend që të kujdeset për krizën për të ndihmuar konsumatorët e mëdhenj dhe për të shpëtuar ekonominë vendase.”,- u shpreh Stefçe Antovski nga VMRO-DPMNE.

 

 

Nga LSDM kundërpërgjigjen se pikërisht në kohën e qeverisjes së VMRO-DPMNE-së, çmimi i energjisë elektrike për amvisëritë është rritur për 100%. Në atë kohë, Hristijan Mickovski, ishte edhe këshilltar për energjetikë i Nikolla Gruevkit dhe pastaj drejtor I EMV-së, thonë nga LSDM. 

 

“Pa pasur krizë globale energjetike, VMRO-DPMNE e hoqi tarifën e lirë ditore dhe më pas si opozitë e kundërshtoi kthimin e saj. Sot qeveria e udhëhequr nga LSDM-ja edhe në kushtet e krizës globale energjetike ndërmerr masa për përballimin e saj, si dhe mbrojtjen e standardit të qytetarëve dhe ekonomisë. Të gjitha kapacitetet në dispozicion për prodhimin e energjisë elektrike nga burimet vendase aktivizohen me kohë për të reduktuar varësinë nga importi i energjisë elektrike të shtrenjtë, e cila ndikon drejtpërdrejt në çmimin e energjisë elektrike.”,- thuhet në reagimin e LSDM-së.