Kriza energjetike, përplasen LSDM dhe VMRO-DPMNE

 

“60 milionë denarë janë paraparë për ndihmë financiare për rreth 7.500 familje të cilat gjatë gjithë vitit do të marrin nga 600 deri në 800 denarë për subvencionimin e faturave të energjisë elektrike. Krahas kësaj mase do të ketë edhe masa të tjera në ndihmë të qytetarëve dhe ekonomisë. Për këtë qëllim, në Buxhetin e këtij viti janë paraparë 130 milionë euro për përballimin e krizës energjetike, prej të cilave rreth 90 milionë euro janë për masat direkte kundër krizës që do të zbatohen gjatë vitit.”,- deklaroi Marija Georgievska nga LSDM.

 

I menjëhershëm ka qenë reagimi i opozitares VMRO-DPMNE. Thonë se paaftësia e LSDM-së për vetëm dy muaj iu kushtoi qytetarëve me rritje të çmimit të energjisë dhe 86 milionë euro të çuara dëm. 

 

“Masa e parë e Kovaçevskit është rritja e energjisë elektrike dhe ngrohjes për qytetarët. Kovaçevski e ka rritur rrymën për 15%, kështu që qytetarët që kanë paguar faturën prej 3.000 denarë, nga ky muaj do të paguajnë 450 denarë më shumë. Masa e dytë e Kovaçevskit është rritja e çmimit të ngrohjes. Në vetëm dy muaj, qeveria shpenzoi 86 milionë euro për blerje të energjisë elektrike të shtrenjtë. Qeveria nuk ka gërmuar qymyr në kulmin e verës dhe ka mbetur pa qymyr në mes të sezonit të ngrohjes. Kjo ishte arsyeja që ne nuk kishim energji të mjaftueshme dhe u 86 milionë për blerje të energjisë elektrike të shtrenjtë.”,- u tha nga VMRO-DPMNE.

 

Nga ky muaji Komisioni Rregullator i Energjetikës vendosi që të shtrenjtojë energjinë elektrike për 9.48%, ndërsa hoqi edhe tarifën e lirë ditore nga ora 14:00 deri në orën 16:00, e cila ka kursyer rreth pesë për qind në faturat e amvisërive.