Ushtari i RMV-së ndërron jetë në spitalin e Prishtinës

 

Nga Ministria e Mbrojtjes shtojnë se 44-vjeçari me iniciale I.Q. përmes helikopterit është transportuar nga baza në Pejë në Spitalin e Prishtinës, ku ka ndërruar jetë.

 

“Me helikopter ushtarak, i shoqëruar nga personeli mjekësor ushtarak, ai është dërguar në institucionin më të afërt shëndetësor, në këtë rastin, në Spitalin e Prishtinë, ku pas mbërritjes i është bërë reanimacioni, por pas një kohe të shkurtër mjekët kanë konstatuar vdekjen, me gjasë sipas informacioneve të para nga një sulm në zemër”, thuhet në njoftimin e Ministrisë së Mbrojtjes.

 

Presidenti Stevo Pendarovski shprehu ngushëllime të thella familjes së ushtarit maqedonas të vdekur papritur, i cili ishte në misionin paqeruajtës të KFOR-it në Kosovë. I shpreh ngushëllimet më të thella familjes për vdekjen e papritur të një pjesëtari të Ushtrisë sonë, i cili ishte pjesë e misionit në Kosovë. Ushtria humbi një pjesëtar, një koleg dhe një ushtar që kishte shërbyer me përkushtim në misionin e saj. I përjetshëm kujtimi, u preftë në paqe", tha Pendarovski.