Kovaçevski: Me Bullgarinë do të hapet faqe e re

 

“Afrimi dhe bashkëpunimi mes dy vendeve në të gjitha fushat e jetës është një parakusht i rëndësishëm për largimin e keqkuptimeve. Jam i gatshëm të hap një faqe të re në marrëdhëniet me Bullgarinë dhe të ndërtoj një miqësi të sinqertë dhe një të ardhme më të mirë për të dyja vendet. Zëri i urrejtjes duhet të shuhet. Ne me të vërtetë kemi më shumë ngjashmëri sesa dallime si vende dhe duhet të përqendrohemi në interesin e përbashkët. Vetëm me këtë qasje do të kujtohemi si liderë që i tejkaluam konfliktet ballkanike me qasje evropiane.”, tha Kovaçevski.

 

Mandatari Kovaçevski  është pyetur edhe për emrat e rinjt të të parëve të minsitrive, por nuk ka shpalosur detaje, duke thënë se do të jenë kuadro të dëshmuar me rezultate konkrete në resoret ku kanë qenë aktiv. Kovaçevski ka folur edhe për fokusimin e qeverisë së tij. Kriza energjetike, masat anti-krizë dhe  rritja ekonomike  do të jenë theksi i qeverisë në tre muajt e parë.