Kryeministri bullgar Petkov në izolim, shtyhet vizita e tij në Shkup

Vizita e kryeministrit bullgar, Kiril Petkov, në Shkup shtyhet për shkak të karantinimit të tij, pasi që kryetari i kuvendit, Nikolla Minçev, rezultoi pozitiv me Covid–19, pas mbledhjes së Këshillit për Siguri Kombëtare. Televizioni nacional bullgar, duke u thirrur në informacione nga pres-qendra e Këshillit të Ministrave, thotë se nuk dihet saktësisht deri kur prolongohet vizita e tij. 

 

Ndërkohë, ish-kryeministri i Bullgarisë dhe lideri i partisë GERB, Bojko Borisov, ka komentuar mbledhjen e Këshillit Këshillëdhënës për Siguri Kombëtare. Sipas tij, kjo mbledhje ka qenë e panevojshme, sepse Marrëveshja dihet, vetëm duhet implementuar.

 

"Mbledhja e Këshillit Këshillëdhënës për Siguri Kombëtare ishte e panevojshme, vetëm se tregoi kaosin total në të cilin ndodhet shteti. Mbrëmë presidenti Radev i shkurtoi hapësirën e manovrimit kryeministrit, Kiril Petkov.”, tha Borisov.

 

 

Ndërkohë, portali  “Veçer” ka dalë me informacion se ka njohuri kinse Ministria e Jashtme e vendit  po përgatit tekst të ri  për fqinjësi të mirë me Bullgarinë, i cili në formë të aneksit, do të inkorporohet në Marrëveshjen për Fqinjësi të Mirë të vitit 2017. Por,  këto spekulime  i hedh poshtë Ministria e Jashtme dhe i quan kundër produktive ndaj përpjekjeve  të të dyja vendeve  për të tejkaluar dallimet mes vete.

 

 

Ritheksojmë se presidenti bullgar Radev në deklaratën e fundit ka thënë se  gjatë implementimit të politikës së jashtme, qeveria duhet ta respektojë  qëndrimin nacional të Bullgarisë dhe Marrëveshjen e vitit 2017, kornizën e vitit 2019 dhe deklaratën e 44-shës së kuvendit popullor.

 

Po ashtu ka kërkuar që dhënia e pajtueshmërisë për fillimin e bisedimeve të RMV-së me BE-në të mos lidhet me afate por me  rezultatet reale.