Filloi ndërtimi i Sh.F në Vizbeg, Grubi: Në përfundim e sipër edhe shkolla tjera

 

 

“Sipas premtimit të realizuesit kompanisë brenda 18 muajve maksimum do të përfundojnë punimet në shkollë, ndoshta edhe më herët, siç e përfunduan edhe shkollën në Reçicë të vogël para afatit.  Është në përfundim e sipër edhe shkolla në Bllacë, dy prej problemeve kryesore me të cilat u ballafaquam si Qeveri dhe kam bindje të thellë se do ti përfundojmë para afatit. Për shkollën në Idrizovë do ta presim Ministrin e ri të Arsimit dhe do ti qasemi të gjitha shkollave problematike edhe asaj në Sellcë”, u shpreh zv/kryeministri i parë, Artan Grubi. 

 

“Në periudhë prej 18 muajsh duhet të bie zilja dhe nxënësit të ulen në bankat shkollore. Vetëm një shtet që investon në nxënës dhe cilësi të arsimit, mund të pret të ardhme të ndritur. Treguam si Qeveri se intenzivisht ndërtuam dhe rikonstruuam shkolla, Qeveria dje miratoi programin për vitin 2022 për rikonstruim dhe ndërtim të shkollave fillore dhe të mesme”, thekoi ministrja e arsimit Milla Carovska. 

 

 

“Duhet të thjeshtësohen procedurat për ndërtimin e shkolave çerdheve sepse shum vite pritet për nevoja elementare. Unë konsideroj se të gjitha partitë politike duhet të miratojnë konsensus për thjeshtësimin e procedurave. Do të angazohen dhe do të jap gjithçka nga vetja të përfundojë ky proekt, por edhe për ndërtimin e infrastrukturës, rrugore”, u shpreh kryetari i komunës së Butelit, Darko Kostovski.

 

Për ndërtimin e shkollës janë paraparë rreth 107 milionë denarë dhe punimet do të zgjasin 18 muaj. Nga komuna e Butelit potencuan se është realizuar takim me drejtorin e ndërrmarjes së transportit publik dhe brenda dhjetë ditësh pritet edhe zgjidhje për transportin e nxënësve të Vizbegut.