Qeveria e re, Grubi: Pr/programin e kemi hartuar bashkë

Kryeparlamentari Xhaferi edhe zyrtarisht caktoi seancë të re për zgjedhjen e Qeverisë së RMV-së, e 60-ta me rradhë. Zyrtari i lartë i BDI-së, Artan Grubi, thotë se pr/programi qeveritar është hartuar sëbashku dhe pret zbatimin e plotë të tij, deri në zgjedhjet e rregullta parlamnetare.         

 

“Mora pjesë në programin e Qeverisë. E shkruanim deri dje, sëbashku. Jam shumë i kënaqur nga programi dhe jam i bindur se përbërja e re do ta vazhdojë punën e përbërjes së deritanishme dhe do ta zbatojë në tërësi”, u shpreh Artan Grubi nga BDI. 

 

 

LSDM konsideron se Qeveria e kryesuar nga kjo parti vazhdon të ketë në vëmendje shëndetin ekonomik të kompanive dhe buxhetin familjar. Paralajmërojnë masa të reja anti-krizë.   

 

“Në rrjedhë është përgatitja e masave anti-krizë, të cilat do të japin nxitje të fortë për kompanitë dhe do të jenë përkrahje për buxhetet familjare të qytetarëve. Qeveria e udhëhequr nga LSDM është këtu që t’u ndihmojë qytetarëve dhe kompanive edhe në këtë krizë energjetike siç u ndihmonte edhe gjatë pandemisë”, theksoi deputetja e LSDM-së, Marija Georgievska.  

 

 

 

“Në mes të gjendjes së krizës energjetike, Maqedonia fundoset në kriza, a Qeveria blen pjata, lugë dhe pirunë të artë. Pse? Që ashtu, mbretërisht ta pret në Qeveri ushtarin Kovaçevski me shpurën e tij të Zaevit. Ky është shembull i lajthitjes”, theksoi zëdhënës i VMRO DPMNE-së, Naum Stoilkovski.