Botë
Përfundon hetimi 6 vjeçar, Ana Franku u tradhtua nga një noter hebre
17.01.2022 12:52
Një hetim gjashtëvjeçar nga autoritetet holandeze tregon se Ana Frank iu dorëzua nazistëve...
Një hetim gjashtëvjeçar nga autoritetet holandeze tregon se Ana Frank iu dorëzua nazistëve, nga noteri hebre Arnold van der Berg. Sipas ekipit që përfshinte agjentin në pension të Byrosë Federale të Hetimit të SHBA, Vincent Pancock dhe rreth 20 historianë, kriminologë dhe analistë të të dhënave, strehimi i Frank u zbulua nga Van den Berg,
"Më shumë se 75 vjet pasi nazistët sulmuan strehën e Frank në Amsterdam, studiuesit kanë arritur në përfundimin se ka 'shumë të ngjarë' që Van den Berg të tradhtojë familjen e Frank për të shpëtuar familjen e tij," tha anëtari i ekipit hulumtues Peter van Tvisk.
Përpjekja për të identifikuar tradhtarin nuk kishte për qëllim të çonte në ndjekje penale, por për të zgjidhur një nga misteret më të mëdha të pazbardhura në Holandë që nga Lufta e Dytë Botërore.Hetimi përpiloi një bazë të dhënash kryesore të bashkëpunëtorëve të nazistëve, informatorëve, dokumenteve historike, të dhënave të policisë dhe hetimeve të mëparshme.
Nazistët e gjetën Ana Frankun më 4 gusht 1944, pas dy vitesh fshehur. Mip Goss, një nga ndihmësit e familjes së Frank, e mbajti ditarin e saj në një vend të sigurt derisa babai i Anës, Otto, e botoi atë në 1947, dy vjet pasi ajo vdiq në kampin e përqendrimit Bergen Belsen në moshën 15-vjeçare.
Ditari i Ana Frankut është përkthyer në 60 gjuhë.