Tensione në Ukrainë, SHBA dërgon ndihmë ushtarake në Ukrainë

Dërgesa e parë prej 200 milionë dollarësh e paketës së sigurisë të mbështetur nga SHBA mbërriti në Kiev. Ambasada e SHBA-së në Ukrainë ka deklaruar se Shtetet e Bashkuara do të vazhdojnë të ofrojnë një ndihmë të tillë për Forcat e Armatosura të Ukrainës në përpjekjet e tyre të vazhdueshme për të mbrojtur sovranitetin dhe integritetin territorial të Ukrainës nga agresioni rus.

Presidenti Zelenski falënderoi homologun e tij amerikan Biden për ndihmën e tij diplomatike dhe ushtarake. Personeli ushtarak i Ukrainës është i bindur se vendi është i gatshëm t'i përgjigjet çdo sulmi të mundshëm nga Rusia fqinje.

“Ne kemi përgatitur rezerva speciale për këtë, gjithashtu ky territor është i pajisur me kamera vëzhgimi. Pra, ne do të shohim shenja të hershme të një sulmi dhe do të jemi në gjendje të paralajmërojmë forcat e armatosura se ato po dërgojnë mbështetje mbrojtëse”.

Populli ukrainas është i frikësuar, por i vendosur të luftojë për lirinë e tij.

“Jemi në prag të diçkaje shumë të frikshme. Mund të them se kam frikë”.

“Ne jemi ukrainas, jemi një komb i rëndësishëm, por në rast se dikush përpiqet të na heqë sërish lirinë, ne do t'ia kthejmë” – thanë disa nga qytetarët e intervistuar.

Më herët, diplomatët e lartë amerikanë dhe rusë rënë dakord të vazhdojnë bisedimet për Ukrainën.

Sekretari amerikan i shtetit Blinken dhe ministri i jashtëm rus Lavrov u takuan në Gjenevë në një moment kritik.

Blinken tha se Shtetet e Bashkuara dhe aleatët e saj mbeten të vendosur për të refuzuar kërkesat më të rëndësishme të Rusisë, duke përfshirë premtimet se Ukraina nuk do t'i shtohet kurrë anëtarësimit në NATO.

Rusia mori kontrollin e gadishullit ukrainas të Krimesë në vitin 2014 dhe mbështeti një rrugë separatiste në Ukrainën lindore që vrau 14,000 njerëz. (Gyltene Sinani, TVM2)