Osmani: Tejkalimi i situatës kërkon rezultate

 

“Nuk mund të bazohmi vetëm në besimin politik dhe marrëveshjet politike.Marrëdhëniet tona duhet të bazohen në shtresa dhe rrjete bashkëpunimi ndërmjet shtresave të ndryshme të shoqërisë. Nëse lidhim njerëzit në një rrjet, nëse lidhim bizneset në një rrjet, nëse lidhim universitetet në një rrjet, krijohet një ndërtim i tillë shtresash që edhe nëse ndërpritet bashkëpunimi politik, ndërtimi i fortë i bashkëpunimit do të mbetet.”, tha Bujar Osmani, ministër i jashtëm.

 

Sipas Osmanit puna e komisionit historik nuk është produktive, ndaj thotë se ndoshta duhet të ndryshohet përbërja edhe e delegacionit bullgar për të shënuar përparim.

 

“Ne kemi ndrruar deri tani dy anëtarë të komisionit, Republika e Bullgarisë nuk ka ndrruar përbërjen e saj. Ndoshta duhet të ndjekë përvojën tonë, nuk po paragjykoj, thjesht po them që duhet të bëjmë një analizë për të përcaktuar se çfarë ishte e mirë dhe çfarë ishte e keqe.”, tha Osmani.

 

Nuk është e diskutueshme që komuniteti bullgar të përfshihet në kushtetutë si e drejtë për integrimin e pjesëtarëve të bashkësive të tjera etnike, thotë Osmani, i cili paralajmëroi se së shpejti do të bëhet i ditur edhe emri i ambasadorit të ardhshëm në Sofje.