MPB, padi kundër Kryetarit dhe sekretarit të Ohrit

MPB-ja sot ka ngritur kallëzim penal kundër kryetarit të komunës së Ohrit, Kiril Pecakov dhe sekretarit të Komunës së Ohrit, Aleksandar Kiteski, për shkak se nuk kanë vepruar sipas rregullave shëndetësore në kohën e epidemsë.

“Me 19 janar 2022, të akuzuarit janë testuar dhe kanë rezultuar pozitiv me covid-19, dhe në vend të izolimit në përputhje me vendimet për rekomandime parandaluese për mbrojtjen e popullatës nga sëmundjet infektive, të njëjtën ditë kanë marrë pjesë në manifestimin fetar publik”, thonë nga MPB.

Nga VMRO DPMNE ndërkohë  e dënojnë ndjekjen ndaj kryetarit Pecakov dhe sekretarit Kiteski  dhe thonë se ky është rast i montuar politikisht.

“Saga vazhdon me kallëzime të nxituara dhe të pabaza penale nga SPB Ohër. Sipas një direktive partiake, ata nuk kanë pritur as t’u mbarojë izolimi, pavarësisht testeve negative që kanë marrë, ndaj i kanë thirrur për një bisedë informative. Pyetja është se si kanë arritur t’i mbledhin informatat dhe të dhënat pa deklarata, sidomos nga palët e interesuara, për të përpiluar kallëzimet penale dhe për t’ia dorëzuar prokurorit publik kompetent?”, thuhet në reagimin e VMRO-DPMNE-së Ohër.