Përmbyset varka me migrantë në Florida, dyshohet për dhjetëra të zhdukur

39 persona, janë zhdukur pas përmbysjes së një varke në brigjet e Floridës. Anija dyshohet se ishte përfshirë në aktivitete të kontrabandës me njerëz.

Autoritetet morën informacion të martën se një person kishte shpëtuar një burrë i cili po mbahej në një anije të përmbysur rreth 45 milje në lindje të Fort Pierce. I mbijetuari tha se anija ishte nisur nga Bimini në Bahama të shtunën në mbrëmje, por ishte përballur me motin e keq. Sipas të mbijetuarit, asnjë prej personave në bordin e anijes nuk kishte jelek shpëtimi.

Kontrabandistët e qenieve njerëzore, e përdorin shpesh Bahamën pranë brigjeve të Floridës, si një pikë për të transportuar njerëz, shumica prej të cilëve vijnë nga shtete të tjera të Karaibeve siç është Haiti dhe destinacion kanë Shtetet e Bashkuara. Sipas Organizatës Ndërkombëtare për Migrim rreth 5,000 migrantë nga Haiti punojnë ilegalisht në Bahamas, por 20,000 deri në 50,000 e haitianëve qëndrojnë në këtë shtet në mënyrë të jashtëligjshme.