Bisedimet për Ukrainën nuk sollën shenja të progresit

Nuk ka pasur indikacione për progres dhe nuk është e qartë se kur do të mbahet rundi i ardhshëm i negociatave. Në bisedimet për paqe në kryeqytetin Minsk të Bjellorusisë, morën pjesë përfaqësuesit e Ukrainës, Rusisë, separatistëve dhe Organizatës për Siguri dhe Bashkëpunim në Evropë.

Prej muajit prill, kur kanë filluar luftimet në pjesën lindore të Ukrainës, janë vrarë më se 4,700 njerëz. Kombet e Bashkuara thonë se më se 1,300 vetë janë vrarë prej armëpushimit të mëparshëm të arritur në Minsk, më 5 shtator.