Stuhia godet Evropën veriore, njoftohet për katër viktima

Një stuhi e fortë ka kapluar Evropën veriore, duke shkaktuar katër viktima dhe disa të lënduar.

 

Erërat e forta goditën Gjermaninë, Britaninë e Madhe, Danimarkën, dhe Poloninë, duke lënë qindra mijëra shtëpi pa energji elektrike.

 

Ndërsa janë shtuar paralajmërimet për përmbytje. Stuhia e cila njihet si Nadia në Gjermani, ka nisur zhvendosjen drejt lindjes, ndërsa në kryeqytetin gjerman, Berlin, u shpall gjendja e emergjencës.

 

Në Danimarkë, autostradat dhe hekurudha që lidh vendin me Suedinë fqinje, u mbyllën ndërsa forcat e emergjencës janë në gatishmëri.

 

Edhe disa shtete amerikane dhe Zelanda e Re gjithashtu po përballen me stuhi dhe kushte të vështira të motit.