Janakieski në izolim, shtyhet gjyqi për “Shkallët spanjolle”

Gjykimi për rastin “Shkallët spanjolle” është shtyrë për 18 shkurt pasi i  pandehuri i parë, ish-ministri  I Transportit dhe Lidhjeve Mile Janakieski, rezultoi pozitiv me Covid-19.

 

Gjyqtarja Fanka Janculeva Mihailovska, në fillim të seancës së sotme informoi se mbrojtja e Janakievskit, më 7 shkurt, ka paraqitur kërkesë për shtyrjen e seancës së caktuar për sot,  pasi ai është pozitiv me Covid-19 dhe ka dorëzuar vendim për izolim. 

 

Në rastin “Shkallët spanjolle” , përveç ish-ministrit Janakieski, të akuzuar janë edhe Dimitar Dimovski, Biljana Dejanovska-Dimitrovska, Violeta Samarxhiska, Aneta Jordanova, Dejan Mitevski, Emilija Radojkova, Snezhana Krstevska, Risto Papazov, Lidija Smiljanovska dhe Marjan Jovanov. Ata akuzohen se me shitjen e paligjshme të parcelave para objektit qëndror të EVN-së në Shkup, I kanë shkaktuar buxhetit të shtetit një dëm prej  2,6 milionë eurosh.