MASH dhe MPB: Pretendimet e hakerëve grek të rreme

Një grup hakerësh grekë të vetëquajtur si "Ushtria e Fuqishme Greke" pretendojnë se kanë hakuar Ministrinë e Arsimit dhe Shkencës në Maqedonin e Veriut. Ata gjatë mbrëmjes të së djelës në rrjetet sociale publikuan video inçizime të drejtëpërdrejta të cilët pretendojnë që jenë nga hapësirat e Ministrisë së Arsimit dhe Shkencës. Nga kjo Ministri kanë konfirmuar se ka pasur tentim për sulm hakerë por kategorikisht hedhin poshtë se video inçizimet e publikuara hakerëve grekë janë nga hapësirat e kësaj ministrie. Sigurojnë se të dhënat e nxënësve dhe mësimdhënësve janë të mbrojtura dhe nuk ka nevojë për shqetësime. 

 

“Lajmi që është publikuar në rrjete sociale dhe i cili shumë shpejtë është shpërndarë, nuk është i saktë. Incizimet video nga kamerat e sigurisë të cilat publikohen, nuk janë nga hapësirat e Ministrisë. Apelojmë deri te qytetarët të mos bien pre e spekulimeve dhe të qëndrojnë të qetë sa i takon mbrojtjes së të dhënave personale me të cilat disponojmë për nxënësit, studentët, kuadrin arsimor dhe të ngjashme. Sistemi i MASh është i mbrojtur në mënyrë adekuate”, thuhen në komunikatën e MASh-it.

 

Edhe nga MPB thonë se nuk bëhet fare fjalë për sulm hakerësh ndaj kamerave të sigurisë së Ministrisë së Arsimit dhe Shkencës, por ka gjasa thonë linqet e publikuara të jenë pjesë e një virusi kompjuterik i cili mund të shkaktoj shumë problem tjera. U bëjnë thirrje qytetarëve asesi të mos klikojnë mbi këto linqe. 

 

“Sektori për hetimin e krimeve kibernetike dhe forenzikës dixhitale kreu një sërë aktivitetesh për verifikimin e pretendimeve dhe konstatoi se ato ishin të rreme, gjëgjësisht video inçizimet e publikuara nuk ishin të institucionit në fjalë. Postimi i këtij grupi përmban një lidhje për të shkarkuar bazën e të dhënave të supozuar të institucionit, por përmban softuer malicioz i cili mund të infektojnë shumë kompjuterë dhe sisteme kompjuterike dhe të rrezikojnë shumë sisteme të qytetarëve dhe institucioneve të tjera. Për këtë arsyje ne u rekomandojmë të  gjithë qytetarëve të mos klikojnë  në linqet e tyre dhe të mos shkarkojnë mbi bazën e të dhënave të cilët ata supozojnë se janë të MASh-it”, thuhen në komunikatën e MPB-së.

 

Nga MPB ja nuk japin detaje më hollësishme rreth asaj se ndaj sa raste të tilla të hakerave MPB ka vepruar deri tani dhe sa prej tyre janë zbardhur.