Pushtimi eventual rus, Ukraina kërkon takim me Rusinë brenda 48 orëve

Ministri i Jashtëm ukrainas Dmitry Koleba tha se Moska deri më tani kishte mohuar kërkesat zyrtare për të shpjeguar pse kishte vendosur kaq shumë trupa në kufi.

 

Rusia ka mohuar në mënyrë të përsëritur planet për të pushtuar Ukrainën, ndërsa fuqitë perëndimore kanë paralajmëruar se po përgatitet për veprime ushtarake dhe shumë vende u kanë kërkuar qytetarëve të tyre që të largohen menjëherë nga Ukraina.

 

Presidenti ukrainas Volodymyr Zelensky tha se nuk kishte parë asnjë provë që Rusia po planifikonte një pushtim në ditët në vijim dhe kërkoi që të mos përhapet paniku.

 

Ambasadori i Ukrainës në Londër, Vadim Pristalko, ka treguar se vendi i tij mund të heqë dorë nga ambiciet e tij për t'u anëtarësuar në NATO për të parandaluar luftën. Kjo është një nga kërkesat kryesore të Rusisë dhe Shtetet e Bashkuara dhe aleatët e saj kanë thënë se nuk do ta debatojnë.

 

Ndërkohë, përpjekjet diplomatike të liderëve botërorë vazhdojnë, ndaj kancelari gjerman Scholz do të udhëtojë sot në Kiev.