Protesta para qendrës shtetërore për provime, kandidatët për drejtor:Të realizohet trajnimi

Kandidatët për drejtorë të shkollave fillore dhe të mesme protestuan para Qendrës Shtetërore për Provime, për shkak të zvarritjes së procedurave për trajnimin dhe dhënien e provimeve. Ata thonë se tashmë gjashtë muaj kanë paguar, por akoma nuk i kanë ftuar për trajnime.

Ata kërkojnë të respektohen ligjet dhe të fillojë procesi i trajnimit në të kundërten paralajmëruan se do të ndërmarrin masa të tjera.

Ata kërkojnë të ketë më shumë trajnime breda një viti. Thonë se do të ankohen edhe tek Avokati i Popullit

“Deri në këto momente sipas njohurive tona, janë formuar më shumë se 5 grupe me minimum 10 kandidat dhe të gjithë kandidatët i plotësojnë kushtet e parapara dhe i kanë paguar mjetet e nevojshme.Habit fakti që edhe përkundër të gjithave ju vendosni të punoni në kundërshtim me dispozitat ligjore ,dhe të udhëheqeni në bazë të dëshirës suaj në institucion që është i një rëndësie të veçantë për procesin e arsimit në vendin tonë”- tha një nga kandidatet, Ksenija Vrameva.

“Siç e dini ne jemi paraqitur më shumë se 50 kandidatë. Pse nuk bëhën 5 trajnime këtë vit që të mund të gjithë që do të marrin çertifikatën të mund të paraqiten në konkurset e ardhëshme për drejtor” – pyet Dragan Popovski, një kandidat tjetër për trajnim.

“Në periudhën e ardhëshme gjithsesi se do të ndërmarrim masa, do të drejtohemi edhe tek avokati i popullit por do të reagojmë edhe në ambasada të caktuara” – u shpreh kandidati për trajnim, Aleksandar Georgievski.

Ndërkohë nga Qendra Shtetërore për Provime kanë mohuar të ketë ngexje në procesin e trajnimeve.Trajnimet në fjalë kushtojnë rreth 500 euro. (Florije Beluli – Kamberi, TVM2)