SHBA-ja duhet të përgatitet për luftë me Rusinë dhe Kinën!

Derisa Rusia kërcënon se do të pushtojë Ukrainën, sulmi më madh në Europë që nga Lufta e Dytë Botërore, çështja strategjike më e rëndësishme e shekullit të 21 po bëhet edhe më e qartë: Si mund të menaxhojnë Shtetet e Bashkuara dy fuqi të mëdha revizioniste, autokratike, të armatosura (Rusia dhe Kina) njëkohësisht?

Përgjigja, sipas shumë politikanëve dhe ekspertëve të mbrojtjes, është se Uashingtoni duhet të moderojë reagimin e tij ndaj Rusisë në Europë për t’u fokusuar në kërcënimin më të madh që paraqet Kina në Indo-Paqësorin.

Ky do të ishte një gabim.

Shtetet e Bashkuara mbeten fuqia kryesore në botë dhe nuk mund të zgjedhë midis Europës dhe Indo-Paqësorit. Në vend të kësaj, Uashingtoni dhe aleatët e tij duhet të zhvillojnë një strategji mbrojtëse të aftë për të penguar dhe, nëse është e nevojshme, për të mposhtur Rusinë dhe Kinën në të njëjtën kohë.

Gjatë javëve të fundit, Biden ka dërguar mijëra trupa amerikane për të përforcuar krahun lindor të NATO-s. Një luftë e madhe në Ukrainë mund të kalojë kufijtë ndërkombëtarë dhe të kërcënojë shtatë aleatët e NATO-s që kufizojnë Rusinë, Bjellorusinë dhe Ukrainën. Për më tepër, nëse presidenti rus Vladimir Putin ka sukses në Ukrainë, a do të ndalet me kaq?

Putin ka treguar një interes të qartë për të ringjallur ish-Perandorinë Ruse, dhe vendet e tjera të cenueshme të Europës Lindore – Polonia, Rumania ose shtetet baltike mund të jenë të radhës.

Një inkursion i suksesshëm rus në territorin e një aleati të NATO-s mund të nënkuptojë fundin e aleancës perëndimore dhe besueshmërinë e angazhimeve të sigurisë së SHBA-së në nivel global.

Kërcënimi i paraqitur nga Kina është gjithashtu serioz. Philip Davidson, ish-komandant i Komandës Indo-Paqësorit të SHBA-së, parashikoi se Kina mund të pushtonte Tajvanin brenda gjashtë viteve të ardhshme . Kjo është një luftë që Shtetet e Bashkuara mund të humbasin.

Nëse Kina arrin të marrë Tajvanin, do të arrinte të prishte rendin e udhëhequr nga SHBA në Azi, me synimin për të bërë të njëjtën gjë globalisht. Për më tepër, Rusia dhe Kina po punojnë gjithnjë e më shumë së bashku. Në samitin e këtij muaji midis Putinit dhe presidentit kinez Xi Jinping, Moska dhe Pekini po krijojnë një partneritet më të ngushtë strategjik, duke përfshirë çështjet ushtarake.