Katër të vdekur nga sulmi në Kharkiv

Shërbimet e urgjencës në qytetin lindor të Kharkiv thonë se katër persona janë vrarë nga bombardimet ruse mëngjesin e së mërkurës.

Një raketë goditi ndërtesat që i përkisnin policisë, Shërbimit të Sigurisë së Ukrainës dhe Universitetit Kombëtar Karazin rreth orës 08:10 me orën lokale (06:10 GMT).

Fotot nga mëngjesi i sotëm tregojnë zjarrfikësit duke luftuar me flakët në një ndërtesë universiteti dhe stacion policie pas sulmeve.

Kryebashkiaku i qytetit thotë se Kharkiv është “i rrethuar pjesërisht” nga ushtria ruse, të cilën ushtria ukrainase po e mbron “heroikisht”.