Rritja e pensioneve, Lazarova: Rritje rekorde e pensioneve

Në kushte të thellimit të krizës energjetike është arritur marrëveshje për rritjen më të madhe të pensioneve deri më tani, për rreth 330 mijë pensionistë thonë nga Forumi i pensionistëve të LSDM-së.

Sipas Cvetanka Lazarova nga ky forum me metodologjinë e re do të ketë rritje të vazhdueshme të pensioneve.

“Harmonizimi i pensionit do të jetë dy herë në vit dhe lidhet me një rritje prej 50% të kostos së jetesës dhe një rritje prej 50% të pagës mesatare. Me këtë metodologji të re, pensionistët me pension mesatar që aktualisht është 16.300 denarë, nga shtatori çdo muaj do të kenë rritje të pensionit mesatarisht prej 900 denarë” – tha Cvetanka Lazarova nga Forumi i Pensionistëve të LSDM-së.

Mickovski: Nuk ka rritje, po kthehet modeli që u hoq

Me rritjen e paralajmëruar të pensioneve, e cila paraqitet si “model zviceran” inovativ, qeveria tani po mundohet të rregullojë atë që para tre viteve “ua kishte vjedhur pensionistëve”, thotë kryetari i VMRO DPMNE-së, Hristijan Mickoski.

“Praktikisht është ligji i para vitit 2018 të 21 dhjetorit, të cilin ky pushtet i kriminalizuar e miratuan ligjin me të cilin ulën pensionet e pensionistëve, dhe tani po mundohen me disa marifete t’i paraqesin “modelet zvicerane”, në të cilat nuk ka asgjë zvicerane” – tha Kryetari i VMRO-DPMNE-së, Hristijan Mickovski.

Sipas tij, me marrëveshjen e re nuk rriten pensionet, por kthehet modeli që u hoq. (Naim Ramadani, TVM2)