Covid-19, për të dytën ditë Shqipëria nuk regjistron asnjë viktimë, vetëm 75 të infektuar

Për të dytën ditë Shqipëria nuk regjistron asnjë viktimë nga Covid-19. Gjatë 24 orëve të fundit janë bërë 1.187 testime ku janë regjistruar 75 qytetarë të infektuar me COVID.

Ministria e Shëndetësisë së Shqipërisë, bën me dije se infeksionet janë regjistruar në këto Bashki: 36 në Tiranë, 8 në Fier, nga 3 qytetarë në Durrës, Delvinë, Sarandë, nga 2 qytetarë në Shkodër, Pukë, Gjirokastër, Korçë, Devoll, nga 1 qytetar në Fushë Arrëz, Kukës, Tropojë, Mirditë, Kamëz, Patos, Divjakë, Mallakastër, Konispol, Memaliaj, Elbasan, Gramsh.

Në të gjithë Shqipërinë janë 1.153 pacientë aktivë me COVID-19.

Në spitalet COVID po marrin trajtim 45 pacientë, nga të cilët 5 janë në gjendje më të rënduar.

Në 24 orë janë shëruar 104 qytetarë, duke e çuar numrin e të shëruarve në 267,776 që nga fillimi i epidemisë.