Covid 19, 5 fatalitete, 302 raste të reja në 24 orë

Nga 2182 testime të bëra në 24 orët e fundit në vend, rezultuan 302  raste të reja, 35 prej tyre ri-infektime. Janë regjistruar gjithashtu edhe 2 persona të vdekur  në Shkup dhe nga një në Strugë, Strumicë dhe Manastir. Të gjithë vdiqën në kushte spitalore. 

Në statistikën e fataliteteve u shtua edhe 1 person me diagnozë Covid-19 nga  “Termini im”, që realisht ka humbur jetën më 7 mars.

Nga numri i përgjithshëm i të vdekurve te të gjithë personat janë regjistruar komorbiditete.

Të shëruarit në këto 24 orë janë 315, më shumë se gjysma edhe në këtë statistikë, apo 203 janë në Shkup. Numri i rasteve aktive aktualisht  është 2.046, prej të cilëve 1.102 në Shkup.