Borel për fillimin e bisedimeve: Nuk premtoj datë, muaj, përpiqemi

Përfaqësuesi i Lartë i BE-së Zhozef Borel nuk premton se në samitin e qershorit RMV dhe Shqipëria do t’i fillojnë bisedimet me BE-në,  por siguron se insitucionet  evropjane  po  bëjnë çmos që të tejkalohen dallimet mes Shkupit dhe Sofjes dhe  t’i hapet rruga procesit integrues të vendit. Vlerëson  harmonizimin e sanksioneve të vendit me BE-në ndaj Rusisë  dhe sipas tij, ky vendim  e përafron edhe më tepër Unionin Evropian  me Maqedoninë e Veriut.

 

“Nuk mund të premtoj por mund t’ju siguroj  se po bëjmë gjithçka që mundemi që fillimi i bisedimeve me  Maqedoninë e Veriut  dhe Shqipërinë të fillojë në konferencës e ardhshme ndër-qeveritare sepse kjo është prioritare  për Komisionin Evropian, për mua personalisht gjithashtu dhe prioritet gjeopolitk në këtë kohë. Shpresoj se puna intensive mes Shkupit dhe Sofjes do të sjell rezultate, do të zgjidhin çështjet bilaterale  sipas një zgjidhjeje të pranueshme dhe do mundësohet fillimi i bisedimeve.”, tha Zhozef Borel, përfaqësues i lartë i BE-së.

 

 

Në kohë jostabiliteti në një pjesë të kontinentit,  Bashkimi Evropian si asnjëherë më parë duhet të jetë e bashkuar dhe e fuqishme,  tha kryeministri Kovaçevski. Shton se duhet përshpejtuar integrimi  rajonal dhe të mbyllen hapsirat për mundësinë e depërtimit të forcave të treta. Me Bullgarinë po punojmë sipas një principi të ri, që besojmë të na shpie në rezultat, theksoi shefi i ekzekutivit, Kovaçevski.

 

“Është me rëndësi të madhe që  BE  dhe  vendet anëtare të përfshihen  maksimalisht  tani,  sepse zgjerimi tashmë nuk është  vetëm  çështje strategjie por edhe sigurie… Lufta që po ndodh  është rrezik për rritjen e ndikimit  të palëve të treta në rajon,  për çka të gjithë duhet të jemi të vemendshëm  dhe të përgatitur… Integrimi i  RMVsë dhe rajonit në BE, do të sigurojë stabilitet në Evropë.”, tha Dimitar Kovaçevski, kryeministër

 

Përfaqësuesi i Lartë i BE-së  Borel është takuar edhe me shefin e shtetit Pendarovski, kryeparlamentarin Xhaferi dhe me ministrin e jashtëm Osmani. Zyrtarët e vendit kanë përcjellur mesazhin se fillimi i bisedimeve me BE-në mes tjerash paraqet njësi matëse për kredibilitetin e Bashkimit Evropian.