Dialogu me Serbinë të vazhdojë, por me kohë të kufizuar

 

“Duhet të jemi të hapur dhe të pranojmë se nuk është arritur progresi i duhur në zbatimin e një numri të konsiderueshëm të marrëveshjeve deri tani, veçanërisht ato që kanë të bëjnë me tërheqjen e përkrahjes dhe financimit të strukturave ilegale në veri të territorit të Kosovës, që është detyrim i shtetit fqinj”- tha Jahjaga.

 

Presidentja e Kosovës tha se pa i zgjidhur problemet mes fqinjëve, rajoni i Ballkanit nuk mund të përparojë drejt familjes së madhe evropiane.

 

Presidentja Jahjaga, deklaroi se ngërçi politik, që zgjati plot 6 muaj, e ka dëmtuar Kosovën. Ajo pranoi se pikërisht për këtë shkak ka ende shumë punë për të bërë, për ta kompensuar këtë humbje kohe e për të kapur ritmin për vitin që vjen.